Қабул-2019: НавДПИда камчиликлар бартараф этилди

Институтда абитуриентларни 40 тадан жамланган ҳолатди навбат билан келишлари ташкил қилинган.

Ижтимоий тармоқларда тарқалган видеотасвир бўйича: жорий йил 8 июль куни эрталаб, абитуриентлар ва уларни кузатувчилари миқдори кўплиги сабабли сим панжара очилиб кетди.  Абитуриентлар, ота-оналар гуруҳлар жамланадиган жойда тўхтатилиб, тушунтириш ишлари олиб борилди ва сафлантирилди, сўнгра аввалги ҳолатди гуруҳларга тақсимланган ҳолда ҳужжат топширишди. Бу ва шунга ўхшаш ҳолат бошқа такрорланмади. Шу куни давомида 4001 нафар абитуриентнинг ҳужжатлари расмийлаштирилди.

Қабул жараёни эрталаб 07.00 дан то охирги абитуриент ҳужжат расмийлаштиргунига қадар этиб белгиланган. Бугунги кунда ҳужжатларни расмийлаштириш учун операторлар қарийиб икки баробарга кўпайтирилиб, улар сони 45 нафардан 81 нафарга етказилди. Ҳужжатларни расмийлаштириш учун яна 2 та хона ажратилди. Тўловларни амалга ошириш учун Навоий «Agro» банкнинг кўчма кассалари, шунингдек, Инфин банк, Алоқа банк, Турон банк, Ипак йўли банкларнинг 12 та сайёр кассалари фаолияти йўлга қўйилди.

Қабул жараёнини уюшқоқлик билан ўтказиш мақсадида вилоят ва шаҳар тиббиёт бирлашмалари шифокор ва ҳамширалари жалб қилинган. Тинчлик ва хавфсизликни таъминлаш мақсадида вилоят, шаҳар ИИБ, Миллий гвардия ходимлари ажратилиган.

Manba: Axborot xizmati

13.07.2019